پنجاب حکومت کا سیلاب سے نمٹنے کے لیے بند کھولنے کا 

فیصلہ، اعلیٰ قیادت کا متاثرہ علاقوں کا دورہ

پنجاب حکومت نے ممکنہ سیلابی صورتحال سے نمٹنے کے لیے دریاؤں پر قائم بندوں کو کھولنے کا فیصلہ

 کیا ہے۔ وزیر اطلاعات پنجاب، عظمیٰ بخاری کے مطابق، یہ اقدام عوامی جان و مال اور اہم تنصیبات کو

 محفوظ رکھنے کے لیے اٹھایا جا رہا ہے۔

ادھر وزیراعظم شہباز شریف اور وزیراعلیٰ پنجاب مریم نواز نے سیلاب سے متاثرہ علاقوں کا دورہ کیا۔

 دورے کے دوران انہوں نے ریسکیو و ریلیف آپریشنز کا جائزہ لیا اور متعلقہ حکام کو متاثرہ عوام کو فوری

 امداد فراہم کرنے کی ہدایت کی۔

ذرائع کے مطابق، شدید بارشوں کے بعد راوی اور شاہدرہ کے درمیان لاکھوں کیوسک پانی کا بہاؤ متوقع

 ہے، جو خطرے کی سطح سے تجاوز کر سکتا ہے۔ یہی وجہ ہے کہ بند کھولنے کا فیصلہ بروقت اور حفاظتی

 نقطہ نظر سے کیا گیا ہے۔

عظمیٰ بخاری نے مزید بتایا کہ بندوں کا کھولنا نہ صرف پانی کو محفوظ علاقوں کی طرف منتقل کرنے کے

 لیے ہے بلکہ انسانی جانوں اور اہم ڈھانچوں کو بچانے کے لیے بھی ضروری ہے۔ انہوں نے کہا کہ حکومت

 کسی قسم کی کوتاہی برداشت نہیں کرے گی۔

مزید برآں، وزیراعلیٰ پنجاب مریم نواز نے فلڈ زونز کے مکمل انخلاء کے احکامات جاری کر دیے ہیں۔ وزیر

 اطلاعات کا کہنا ہے کہ عوام سے اپیل ہے کہ وہ حکومتی ہدایات پر عمل کریں اور غیر ضروری نقل و حرکت

 سے گریز کریں۔

انہوں نے کہا کہ ریسکیو ادارے، فوج، رینجرز اور ضلعی انتظامیہ مکمل الرٹ ہیں، اور جہاں جہاں ضرورت

 ہو، وہاں ہیلی کاپٹرز اور دیگر ضروری وسائل فوری دستیاب کیے جا رہے ہیں۔